Rydym wrth ein bodd yn croesawu myfyrwyr i'n Chweched Dosbarth yng Nglantaf lle rydym yn cynnig ystod eang o gymwysterau yng Nglantaf a thrwy ein partneriaeth helaeth ag Ysgol Gyfun Gymraeg Plasmawr ac Ysgol Gymraeg Bro Edern fel rhan o bartneriaeth BroPlasTaf. Mae Glantaf yn hynod falch o'n Myfyrwyr Chweched Dosbarth sy'n cyfrannu'n helaeth at amrywiaeth, lled a chyfoeth cymuned ein hysgol. Maent yn cael eu hystyried yn fodelau rôl rhagweithiol, yn mentora disgyblion iau, yn darparu cefnogaeth rhifedd a llythrennedd i ddisgyblion ym Mlynyddoedd 7 ac 8 ac fel Cyfeillion mewn rhaglen gefnogaeth fugeiliol ofalgar. Maent yn arwain ac yn chwarae rhan hanfodol yn yr Eisteddfod Ysgol, mewn timau hyfforddi ac wrth gefnogi ystod eang o waith elusennol o fewn cymuned yr ysgol. Yn academaidd, mae myfyrwyr yn y chweched dosbarth yn perfformio i safon uchel iawn ac yn sgorio graddau uchel yn gyson ar draws y proffil gallu gan sicrhau lleoedd mewn cyrsiau cystadleuol mewn sefydliadau Addysg Uwch ledled y DU. Dros y blynyddoedd, mae ein myfyrwyr Chweched Dosbarth wedi dod â rhagoriaeth i'r ysgol mewn ystod eang o feysydd. Rydym yn disgwyl i bob myfyriwr fod yn ymroddedig i'w hastudiaethau, hyrwyddo ethos Cymreig yr ysgol, bod yn arweinwyr ifanc cyfrifol o fewn cymuned y disgyblion a mwynhau'r profiadau newydd sydd ar gael yn y chweched dosbarth.
Telephone : 02920 333090
Email : ysgolgyfunglantaf@caerdydd.gov.uk
Address : Ysgol Gyfun Gymraeg Glantaf, Bridge Road, Llandaff North, Cardiff, CF14 2JL
Website : Glantaf Sixth Form
Contact our Sixth Form pastoral and progress team and Head of Sixth Form , Mr Hefin Griffiths.